په خيبر پښتونخوا کې مرګوني بريدونه؛ ۱۴ تنه وژل شوي او ۲۵ ټپيان دي
په پاکستان د شمال لوېديځ خيبر پښتونخوا ولايت کې د نويو بريدونو په لړ کې لږ تر لږه ۱۱ امنيتي سرتېري او درې ملکي کسان، چې يو ماشوم هم پکې شامل دی، وژل شوي او ۲۵ نور ټپيان دي. دا پېښې د دوو چاودنو او يوې وسلې نښتې له امله رامنځته شوې دي.
د فرانس پريس د راپور له مخې، د دوشنبې ماښام يو ځانمرګي بريدګر خپلې بمځاې شوې موټر د باجوړ قبايلي سيمې په يوه ديني مدرسه پسې ووهله. په دې چاودنه کې اته پوليس وژل شوي او ۱۰ تنه نور ټپيان شوي دي.
د راپور پر بنسټ، د چاودنې زور د نږدې څو کورونو چتونه نړولي، چې په پايله کې يو ماشوم مړ شوی دی. امنيتي چارواکو ويلي، د مړو شمېر کېدای شي زيات شي.
په يوه بله پېښه کې، چې د بنو ښار په مرييان پوليسو تمځای کې رامنځته شوه، په يوه وسيله کې ځای پر ځای شوی بم وچاودېد. په دې پېښه کې دوه ملکي کسان وژل شوي او ۱۷ تنه نور ټپيان دي.
همدارنګه، د شانګلې په سيمه کې د امنيتي ځواکونو د پلټنې پر مهال نښته رامنځته شوې ده، چې په کې درې پوليس او درې وسلهوال وژل شوي دي. د خيبر پښتونخوا پوليسو په يوه اعلاميه کې ويلي، هغه وسلهوال چې وژل شوي، پخوا يې د چينايي وګړو پر ضد بريدونو کې لاس درلود.
خيبر پښتونخوا د افغانستان له پولې سره پرته ده او په وروستيو کلونو کې د وسلهوالو بريدونو او ناامنۍ د زياتېدو شاهده پاتې شوې ده، چې دا حالت د دې سيمو د امنيت په اړه اندېښنې زياتې کړې دي.
