د بدخشان په بهارک ولسوالۍ کې د طالبانو پر پوستې د ازادۍ جبهې برید
د افغانستان د ازادۍ جبهې ویلي چې د دې جبهې ځواکونو د جمعې په ماښام، د ۲۰۲۶ کال د فبرورۍ په ۱۳مه، د طالبانو د ادارې د ۲۱۹ فرقې د سرحدي لوا اړوند د څار برج باندې برید کړی دی. دغه برید د بدخشان ولایت د بهارک ولسوالۍ په قلاتک سیمه کې ترسره شوی دی. د یادې جبهې په وینا، په دې پېښه کې د طالبانو د ادارې دوه غړي وژل شوي او یو بل ټپي شوی دی.
د ازادۍ جبهې په یوه خبرپاڼه کې ویلي، دا برید د ماښام شاوخوا ۷ بجې د دغه پوځي مرکز د ورودي دروازې مخې ته شوی دی. تر اوسه د طالبانو اداره د دې پېښې په اړه څرګندونې نه دي کړې.
بدخشان ولایت چې د هېواد په شمال ختیځ کې پروت دی، په وروستیو میاشتو کې د امنیتي پېښو او د طالبانو د ادارې پر خلاف د وسلهوالو ډلو د فعالیتونو شاهد پاتې شوی دی. دا ډول بریدونه د طالبانو د ادارې له خوا د لیرې پرتو سیمو د امنیت او کنټرول په اړه پوښتنې زیاتوي.
