د لبنان د پارلمان غړی: د اسلامي جماعت د چارواکي تښتول د حاکمیت څرګند نقض دی
قاسم هاشم، د لبنان د پارلمان د پرمختیا او آزادولو د بلاک غړی، ویلي چې د اسرایيلي ځواکونو نن سهار په الهباریه سیمه کې برید او د اسلامي جماعت یو مشر، عطوي عطوي، تښتول، د لبنان د حاکمیت او ملي کرامت څرګند نقض دی.
هغه ټینګار کړی چې یوازې د غندنې اعلامیې خپرول بسنه نه کوي، او زیاته یې کړه چې د دې ډول تېريو د مخنیوي لپاره باید عملي او اغېزمن اقدامات تر سره شي. د هاشم په وینا، د دغو پېښو تکرار دا ښيي چې سیاسي فشار پرته له عملي ګامونو کومه پایله نه لري.
دغه استازی د پېښې وخت ته هم اشاره وکړه او ویې ویل چې اسرایيلي ځواکونه په داسې حال کې د لبنان خاورې ته ننوتل چې د هېواد لومړي وزیر تازه د هېواد جنوبي سیمو ته سفر کړی و؛ هغه دا موضوع د شکمنو اهدافو او پېغامونو د راولاړېدو لامل وباله.
هاشم له لومړي وزیر وغوښتل چې د دغه لبنانی وګړي د بېرته ستنولو لپاره اړینې اړیکې او هڅې وکړي. هغه ټینګار وکړ چې د هېواد د جنوبي سیمو اوسېدونکي باید د هغه د څرګندونو له مخې، د «اسراییلو زورواکي» پر وړاندې خوندي او اغېزمن ملاتړ ولري.
