پاکستان او ازبکستان د افغانستان پر سولې او ثبات ټینګار وکړ
د پاکستان صدراعظم او د ازبکستان ولسمشر په اسلاماباد کې د رسمي کتنې پر مهال ویلي، چې د افغانستان سوله او ثبات د سیمې د امنیت، ثبات او دوامداره هوساینې لپاره مهم فکتور دی.
شهباز شریف او شوکت میرزیایف په یو ګډ اعلامیه کې ټینګار کړی، چې د افغانستان ثبات د سیمهییزو همکاریو د بریا لپاره حیاتي رول لري، او پرته له دې به سترې ترانزیټي پروژې له ستونزو سره مخ شي.
په دغه اعلامیه کې ویل شوي، د ازبکستان–افغانستان–پاکستان د اورګاډي د پټلۍ د پروژې بریالی تطبیق په مستقیم ډول د افغانستان د امنیتي وضعیت او سیاسي ثبات پورې تړلی دی. دا پروژه د سیمهییزو اړیکو د پیاوړتیا او د منځنۍ او جنوبي آسیا ترمنځ د سوداګرۍ د اسانتیا لپاره جوړه شوې ده.
افغانستان د خپلې جغرافیایي موقعیت له امله د دغو دوو سیمو ترمنځ یو مهم دهلیز بلل کېږي، او هر ډول بېثباتي په دغه هېواد کې کولای شي د اقتصادي او ترانزیټي همکاریو بهیر وځنډوي یا یې دروي.
