په د امریکا د مالي کمیسیون ناستې کې د وزیر او دموکرات استازو ترمنځ لفظي نښته
په د امریکا د استازو جرګې د مالي خدماتو د کمیسیون په یوه ناستې کې د څو دموکراتو استازو او د امریکا د خزانې وزیر ترمنځ خبرې اترې تر لفظي شخړې او توند بحث پورې وغځېدې؛ داسې شخړه چې د ډونالډ ټرمپ د حکومت اقتصادي او مهاجرتي سیاستونه یې اصلي محور وو.
د کالیفورنیا د ایالت دموکراته استازې، مکسین واټرز، د امریکا د ولسمشر پر اقتصادي پرېکړو نیوکه وکړه او ویې ویل چې د ګمرکي تعرفو وضع کول د انفلاسیون د فشارونو د زیاتېدو لامل شوي او د مهاجرت سیاستونو د حکومت وړتیا د استوګنې لګښتونو په برابرولو کې کمزورې کړې ده. هغې پوښتنه وکړه، ایا د ټرمپ په حکومت کې داسې عاقل سړی شته چې د امریکایي مصرفوونکو پر ضد له دې “جګړې” څخه مخنیوی وکړي که نه.
د خزانې وزیر په ځواب کې دا څرګندونې د انفلاسیون د مفهوم د ناسم درک پایله وبلله. خو واټرز د هغه خبرې پرې کړی او خپله پوښتنهیې بیا تکرار کړه؛ داسې اقدام چې د ناستې فضا یې لا نوره توده کړه.
د وزیر له خبرو وروسته، واټرز د کمیسیون له مشر وغوښتل چې د وزیر د خبرو دوام ودروي، ځکه چې د هغې په وینا د وخت ضایع کېدو لامل شوی و. په دوام کې، د نیویارک ایالت دموکرات استازي، ګرېګ میکس، هم په توند لحن له خزانې وزیر غوښتنه وکړه چې له ټرمپ څخه د دفاع او تقلید لاره پرېږدي.
میکس همدارنګه د هغه څه یادونه وکړه چې نوموړي یې د ټرمپ د کورنۍ له اړوند کریپټو پروژو څخه راولاړې “نامناسبې اغېزې” وباله او ادعا یې وکړه چې د ولسمشر له کورنۍ سره تړلې شرکتونه د هغه د واکمنۍ پر مهال د امریکا په بهرنۍ پالیسۍ کې له بهرنیو پانګوالو سره اړیکې درلودې؛ داسې موضوع چې په دې ناسته کې نوې نیوکې راپورته کړې.
