یار لاپید د قطر د دښمنۍ د اعلان طرحه وړاندې کوي
یار لاپید، د اشغال شویو سیمو د مخالف جریان مشر، اعلان وکړ چې د یو قانوني طرحې مسوده به د صهیونیستي رژیم پارلمان ته وړاندې کړي، چې له مخې یې قطر به د «دښمن هېواد» په توګه وپیژندل شي. د لاپید په وینا، که دغه طرحه تصویب شي، ټول هغه قانوني ګامونه چې تلابیب یې د خپلو دښمنو هېوادونو پر وړاندې کاروي، پر قطر هم عملي شي. هغه ادعا وکړه چې دا ګامونه به هغه محدودیتونه او تګلارې ولري چې مخکې یې د نورو هېوادونو پر وړاندې تطبیق کړي دي.
د مخالف جریان مشر همداراز ادعا وکړه چې قطر په تېرونو کلونو کې د تلابیب د امنیتي او سیاسي ګټو پر ضد په هدفمند او دوامداره ډول عمل کړی دی. هغه د دوحې ملاتړ د حماس له ډلې او هغه څه چې یې «د اسراییلو د صدراعظم په دفتر کې نفوذ» وباله، د دې اقدام له اصلي لاملونو ګڼلي دي.
دغه څرګندونې داسې مهال کیږي چې قطر مخکې له دې د صهیونیستي رژیم پر دوامدارو بریدونو او د غزې په پټه د اوربند پر نقض کلک غبرګون ښودلی و او دا یې هغه کړنې بللې چې د سیمهییزو او نړیوالو هڅو د سولهاو ثبات د ټینګښت مخه نیسي. تحلیلګر وایي، دغه ډول طرحې زیاتره د سیاسي تاوتریخوالي د رامنځته کولو او د تلابیب د کورنیو او سیمهییزو بحرانونو د پټو ساتلو هڅې ګڼل کېږي.
