د داعش بندیانو لېږد له سوریې نه عراق ته ورو شوی
د رویټرز د راپور له مخې، د داعش ډلې د تړلو بندیانو د سوریې نه عراق ته د لېږد بهیر په وروستیو میاشتو کې په څرګند ډول ورو شوی دی؛ دا هغه اقدام و چې د بغداد او دمشق د امنیتي همکارۍ په چوکاټ کې ترسره کېده.
معلومات لرونکو سرچینو ویلي، دا ځنډ تر ډېره د لوژستیکي ستونزو، امنیتي اندېښنو او د عراق له خوا د نورو هېوادونو پر وړاندې د خپلو وګړو د منلو غوښتنو له امله رامنځته شوی. د عراق او سوریې چارواکو مخکې ویلي وو چې د دې لېږد هدف د داعش بندیانو اغېزمن کنټرول او د هغوی د تېښتې یا د نوو بریدونو د تنظیم مخنیوی دی.
د عراق قضایي او امنیتي چارواکو او لوېدیځو دیپلوماتانو په وینا، تر اوسه شاوخوا ۱۳۰ عراقي بندیان او نږدې ۴۰۰ بهرني بندیان عراقي مرکزونو ته لېږدول شوي دي؛ حال دا چې د امریکا پوځ په لومړنیو اټکلونو کې تمه لرله چې نږدې اووه زره تنه به په لنډ وخت کې انتقال شي. له یوه اونۍ څخه زیات وخت وروسته، د لېږد شوو کسانو شمېر شاوخوا ۵۰۰ تنو ته رسېدلی دی.
د عراق حکومت له متحده ایالاتو غوښتنه کړې چې د لېږد بهیر لا هم ورو پرمخ یوړل شي، څو له بندیانو د اصلي هېوادونو له چارواکو سره د خبرو او د اضافي مرکزونو د چمتو کولو لپاره کافي وخت برابر شي. په عین وخت کې، یو شمېر لوېدیځو هېوادونو هم د هغو خپلو وګړو د بېرته ستنولو په اړه اندېښنې څرګندې کړي چې د داعش سره یو ځای شوي وو.
دغه عملیات وروسته له هغې پیل شول چې د سوریې ډیموکراتیکو ځواکونو (قسد) د ۲۱ جنورۍ په ورځ په شمال ختیځ سوریه کې ژر سقوط وکړ؛ هغه پېښه چې د داعش بندیانو د بندخونو او کمپونو د امنیت په اړه اندېښنې زیاتې کړې. د الهول کمپ، چې د سوریې او عراق د پوله په سیمه کې موقعیت لري، لا هم د احتمالي امنیتي ګواښ یوه مهمه نقطه بلل کېږي.
د راپورونو له مخې، د «قسد» ځواکونه پرته له دې چې له د سوریې له چارواکو سره همغږي وکړي، له الهول کمپه شا تګ وکړ. دغه کمپ کې ډېری هغه ښځې او ماشومان اوسېږي چې د داعش د پخوانیو غړو کورنۍ دي. د سوریې دولتي ځواکونو له پوځ سره تر نښتې وروسته د دغه کمپ او شاوخوا سیمو بشپړ کنټرول په لاس راوړی دی.
