امنیت او پېښېمهم خبرونه
په شبرغان کې دوه وسلهوال غله ونیول شول
د جوزجان د امنیې قوماندانۍ ویلي چې د هدفمندې امنیتي عملیاتو په نتیجه کې، دوه تنه وسلهوال غله د دې ولایت د مرکز شبرغان ښار کې نیول شوي دي.
د قوماندانۍ ویاند، قاري عبدالستار حلیمي، وویل چې دغه کسان د یو دقیق راپور پر بنسټ د شبرغان د دویمې امنیتي څانګې په سیمه کې د ټپې حالت کې د امنیتي ځواکونو له لوري ونیول شول.
د هغه په وينا، دغو غلو تېره شپه شاوخوا درې بجې د شپې له تيارې څخه په ګټې اخيستنې يو استوګنيز منزل ته ننوتلي، قېمتي توکي او سامانونه يې غلا کړي او د کور اوسېدونکي يې هم ژوبل کړي وو.
د جوزجان د امنیې قوماندانۍ ویاند زیاته کړه چې د دې پېښې دوه نور کسان چې په غلا کې ښکېل وو، له سیمې تښتېدلي دي او د طالبانو تر ادارې لاندې امنیتي ځواکونه هڅه کوي چې هغوی وپېژني او ونیسي.
