روسیې د اوکرایني ځواکونو د شا تګ خبر ورکړی دی
د روسیې د امنیت خدمت وایي چې د اوکراین وسلهوالو ځواکونو له درنو تلفاتو وروسته د دغه هېواد له شمال ختیځ سومي ولایت څخه د خپلو ځینو پوځي یګانونو شاتګ کړی دی.
د راپور له مخې، د سیمهیز دفاع د ۱۱۹ بریګېډ او د ۵۸ میخانیزه پلي ځواکونو یګانې، د اوکراین د سرحدي ګارد د ځانګړو ځواکونو له یوې برخې سره یو ځای، د دغه ولایت له ځینو پوځي مورچو څخه وتلې دي. ویل شوي چې دا شاتګ د سختو نښتو وروسته ترسره شوی دی.
د روسیې د امنیت خدمت زیاتوي چې په کراسنوپولسکي سیمه کې د اوکراین ځواکونه د لوړو تلفاتو له امله اړ شول چې د ولایت ژورو برخو ته مناسب دفاعي ځایونو ته شاتګ وکړي. په دې لړ کې، د یوې ځانګړې کمپنۍ او یو شمېر سرحدي ځواکونو د شاتګ یادونه هم شوې ده.
بیان زیاتوي چې د اوکراین د ۱۰۳ هوايي یرغل بریګېډ د پاولیوکا سیمې ته نږدې د سیمهیز دفاع پر مورچو برید کړی، چې په پایله کې یو شمېر اوکرایني قوماندانان وژل شوي دي. روسیه ټینګار کوي چې د اوکرایني ځواکونو تلفات په دغو نښتو کې درانه وو.
په عین وخت کې، د روسیې د دفاع وزارت یوه ورځ وړاندې اعلان کړی و چې د دغه هېواد اړوند ځواکونو د زاپروژیا په ولایت کې د زاریچنویه ښارګوټی تر خپل کنټرول لاندې راوستی، چې دا کار د دواړو خواوو ترمنځ د جګړې د څو محورونو دوام ته اشاره کوي.
