په چابهار کې د طالبانو د استازي تاوده هرکلی وشو
د طالبانو د ادارې استازي د ايران چابهار ښار ته د سفر پر مهال، د سني ديني مدرسې «الحرمين و الشرفين» مسوولانو او زدهکوونکو د هغه هرکلی وکړ. د دې ليدنې له خپاره شويو موادو سره سم، د دغې مدرسې يو شمېر زدهکوونکو د طالبانو د استازي د شتون پر مهال د «اسلامي امارت» په ملاتړ شعارونه ورکړل؛ دا هغه نوم دی چې طالبان د افغانستان د واکمنۍ جوړښت ته کاروي. دا پېښه په داسې حال کې رامنځته کېږي چې د طالبانو اداره له خپل دويم ځلي حاکميت وروسته له پراخو کورنيو او نړيوالو نيوکو سره مخ ده، ځکه چې د افغانستان پر وګړو، په ځانګړي ډول ښځو او نجونو، يې سخت محدوديتونه لګولي او تر اوسه يې نړيواله رسمي مشروعيت نه دی تر لاسه کړی. يو شمېر څارونکي باور لري چې دغه ډول هرکلي، پرته له دې چې د بشري حقونو حالت او د افغان ولس غوښتنې په پام کې ونيسي، ښايي د داسې يو جوړښت د اړيکو د عادي کولو لامل شي چې د افغانستان خلکو او نړيوالې ټولنې پر وړاندې روڼ ځواب ويونکی نه دی.
