په پنځو شمالي ولایتونو کې د ماین پاکۍ تفاهملیک لاسلیک شو
د طالبانو تر واک لاندې د پېښو د مبارزې ملي اداره وايي، له د افغانستان د ماین پاکۍ له مؤسسې سره یې د همکارۍ تفاهملیک لاسلیک کړی چې له مخې به یې د ماین پاکۍ او د عامه پوهاوي پروګرامونه د هېواد په څو شمالي ولایتونو کې پلي کېږي.
د دې ادارې د مطبوعاتي دفتر د خپرو شوو معلوماتو له مخې، دا تفاهملیک د ۲۰۰ زره ارزښت لري او د ادارې عمومي رئیس ملا نورالدین ترابي او د افغانستان د ماین پاکۍ مؤسسې د عملیاتي چارو آمر بسمالله حقمل ترمنځ لاسلیک شوی دی. دا پروګرام به د بلخ، فاریاب، سمنګان، جوزجان او سرپل ولایتونه رانغاړي.
د دې تفاهملیک له مخې، د ماین پاکۍ بیړنۍ او تخنیکي ډلې به په هغو سیمو کې کار کوي چې له ماینونو او نورو چاودیدونکو موادو سره ککړې دي، او هممهاله به د سیمهوالو لپاره د دغو موادو د خطرونو په اړه د عامه پوهاوي پروګرامونه ترسره شي. دا ګام د ملکي تلفاتو د کمېدو لپاره ډېر اړین بلل کېږي.
ملا نورالدین ترابي له تطبیقوونکې مؤسسې غوښتي چې دا پروژه په بشپړه شفافیت او ټاکلي وخت کې عملي کړي. په مقابل کې، بسمالله حقمل د پروژې د جزئیاتو په اړه معلومات ورکړي او ټینګار یې کړی چې د تطبیق بهیر به بې له ځنډه پر مخ یوړل شي.
