کرملین د زلنسکي د ټاکنو څرګندونې ضد و نقیض وبللې
د روسیې د ولسمشرۍ ماڼۍ ویاند د اوکراین د ولسمشر ولودیمیر زلنسکي څرګندونې د ټاکنو په اړه متناقضې وبللې او وې ویل چې دا د کییف د دریځونو د ګډوډۍ نښه ده.
د دیمتري پسکوف په وینا، چې د تاس خبري آژانس له قوله خبرې کولې، زلنسکي له یوې خوا ټینګار کوي چې به ولادیمیر پوتین، د روسیې ولسمشر، ته اجازه ورنه کړي څو د اوکراین په ټاکنو کې لاسوهنه وکړي، خو له بلې خوا د ټاکنو د ترسره کولو لپاره د امریکا د مرستې غوښتنه کوي.
پسکوف زیاتوي، دا دریځ څرګندوي چې د اوکراین ولسمشر د امریکایي لاسوهنې مخالفت نه لري، خو د روسیې مداخله نه مني؛ یوه وضعیت چې د کرملین له نظره د روښانه او ثابت دریځ نشتوالی ښيي.
د ولودیمیر زلنسکي د ولسمشرۍ دوره د ۲۰۲۴ د می په شلمه پای ته رسېدلې، خو د اوکراین چارواکي د نظامي حالت د دوام له امله د ټاکنو ترسره کول ځنډولي دي.
په همدې حال کې، د روسیې ولسمشر په دې وروستیو کې ویلي چې له پنځو تر لس میلیونو اوکرایني وګړي په روسیه کې ژوند کوي او که ټاکنې په اوکراین کې ترسره شي، باید د هغوی لپاره هم د رایې ورکولو زمینه برابره شي.
