په فاریاب کې د ثوری پل د بیارغونې کار پیل شو
د فاریاب ولایت په قیصار ولسوالۍ کې د طالبانو ادارې له خوا د ثوری پل د ترمیم کار پیل شوی دی. دغه پل د بادغیس او میمنې ترمنځ د یوه مهم ترانزیتي مسیر برخه ده چې له پامه غورځېدو او دوامداره ساتنې نشتوالي له امله زړېدلی او له کاره لوېدلی و.
د سیمهییزو سرچینو په وینا، د دې پروژې لپاره له ۳.۷ میلیونه افغانیو څخه زیات بودیجه ځانګړې شوې چې یو خصوصي شرکت به یې عملي کوي. تمه ده چې د بیارغونې کار به په شاوخوا درې نیمو میاشتو کې بشپړ شي.
په همدې موخه جوړ شوي مراسمو کې د طالبانو د فاریاب ولایت د فواید عامې رییس، مولوي حمیدالله دانش، له یو شمېر دولتي مامورینو سره ګډون کړی و. خو د قراردادونو او عامه راپور ورکولو د شفافیت نشتوالي خلکو ته د بودیجې د لګښت په اړه اندېښنې راپارولي دي.
د سیمې اوسېدونکي هیله لري چې له دې پل د بیارغونې کار بشپړېدو سره به د دوی د ورځنیو تګ راتګ ستونزې کمې شي او د سوداګریزو مالونو او کرنیزو توکو د لېږد زمینه به اسانه شي. خو یو شمېر خلک د طالبانو تر نظارت لاندې پروژو د ترمیمي کار کیفیت په اړه شکونه لري.
په وروستیو کلونو کې د خلکو او تخنیکي ناظرینو له نظارته پرته د یو شمېر پلو او بیارغتیایي پروژو تخریب له کبله د ودانیزو چارو د شفافیت او حساب ورکونې غوره غوښتنې زیاتې شوې دي. خلک تمه لري چې له عامه بودیجې څخه دې په مؤثر او روڼ ډول ګټه واخیستل شي.
