د مصر او اسراییلو د استخباراتي خبرو اترو بېپایله پای
په قاهره کې د مصر د استخباراتو رئیس حسن رشاد او د اسراییلو د شاباک ادارې مشر دیوید زینی ترمنځ ناستې بې له کوم مشخص توافق څخه پای ته ورسېدې.
مصري سرچینې وایي چې د مصر استخباراتو د اسراییلو هغه وړاندیز رد کړی چې پر بنسټ یې ټاکل شوې وه، یوازې د دغه رژیم تر ولکې لاندې سیمې په جنوبي غزه کې بېرته ورغول شي. مصر ټینګار کړی چې مرستې باید د غزې ټولې سیمې ونیسي، نه یوازې هغه برخې چې د اسراییلو تر ولکې لاندې دي. قاهره همداراز ویلې چې دوی د شرمالشیخ ناستې ژمنو ته وفادار پاتې دي.
له بلې خوا، قاهره د امریکا له لوري د نړیوالو ځواکونو د ځای پر ځای کولو هڅو په غزه کې اندېښنې ښوولي دي او یوه محتاطه دریځ لري. د قاهرې په باور، د اسراییلو له خوا د هوایي بریدونو د درېدلو تضمین نهشتون د دې خبرو د پرمختګ پر وړاندې یو له اساسي خنډونو څخه ګڼل کېږي.
په همدې حال کې، یو شمېر نورو هېوادونو هم خپل شکونه څرګند کړي چې ځواکونه دې غزې ته ولېږل شي. د مصر غبرګون ښيي چې پر نړیوالې ټولنې فشار زیات شوی چې د غزې د بشري وضعیت لپاره یوه هر اړخیزه او دوامداره حللاره پیدا کړي.
انتقادي لیدلوري څرګندوي چې د فلسطینیانو د ملاتړ او د نړیوالو قوانینو د ملاتړ په برخه کې، د طالبانو حکومت بیا هم بېعمله پاتې شوی. د دغو سیمو پر وړاندې د طالبانو اداره چوپتیا خپله مشروعیت او اعتبار نور هم تر پوښتنې لاندې راولي.
