په نایجریا کې د امنیتي بیړني حالت اعلان، د تښتونو زیاتېدو پسې
د نایجریا ولسمشر بولا احمد تینوبو، د دغه هېواد په بېلابېلو سیمو کې د تښتونو د پېښو د زیاتوالي په غبرګون کې، د چارشنبې په ورځ د ملي امنیت بیړنی حالت اعلان کړ.
ښاغلي تینوبو د ناامنۍ د زیاتېدونکي بهیر، په ځانګړي ډول د پرلهپسې تښتونو په غبرګون کې، د هېواد امنیتي ځواکونو – پولیسو او پوځ – ته امر کړی چې د دغه لوی ګواښ پر وړاندې د مبارزې لپاره دې د امنیتي پرسونل شمېر په څرګند ډول زیات کړي.
د نیجریا ایالتي شورا له لوري خپره شوې یوې اعلامیې له مخې، ولسمشر ملي پولیسو ته لارښوونه کړې ده چې شل زره نوي سرتېري وګماري، تر څو د ټولو امنیتي ځواکونو شمېر پنځوس زره ته ورسېږي. دا اقدام د حکومت د هغه پروګرام برخه ده چې موخه یې له جنايي ډلو سره د مقابلې لپاره د امنیتي ځواکونو وړتیا لوړه ول.
د تښتونو زیاتېدونکې پېښې، په ځانګړې توګه په کلیوالو سیمو او هغو ځایونو کې چې د وسلهوالو ډلو تر اغېز لاندې دي، د نایجریا په ټولنه کې پراخې اندېښنې راپارولي دي. سیمهییزو رسنیو د حکومت دا پرېکړه د ناامنۍ د زیاتوالي ته مستقیم غبرګون بللی دی.
راپورونه ښیي، چې ځینې تښتونې د داسې ډلو له لوري تر سره کېږي چې مالي اهداف لري او د پیسو لپاره باج اخلي، خو ځینې نورې بیا یاغیانو ته منسوبېږي. د نایجریا مدني بنسټونه او د بشري حقونو ملاتړي سازمانونه خبرداری ورکوي چې پرته له بنسټیزو اصلاحاتو په امنیتي او قضايي جوړښتونو کې، د وضعیت د لا خرابېدو احتمال شته.
