په مارجه ولسوالۍ کې د ۴۰ کلن سړي سر پرې شوی
د هلمند ولایت سیمهییزو سرچینو ویلي چې نامعلومو کسانو یو ۴۰ کلن سړی د مارجه ولسوالۍ په یوه بیاباني سیمه کې سر پرې کړی دی. دا پېښه د دوشنبې په ماښام، د دلو په ۱۹مه نېټه، شااوخوا د ماښام اته بجې د دغې ولسوالۍ د پنځم زون اړوند سیمه کې رامنځته شوې ده.
د سرچینو په وینا، قرباني حبیبالله نومېده او هغه مهال د برید هدف وګرځېد چې خپل کور ته د ستنېدو په حال کې و. تر اوسه د دې وژنې انګیزه او د عاملانو پېژندګلوي نه ده څرګنده شوې.
دا پېښه په داسې حال کې رامنځته کېږي چې د طالبانو اداره تل د هېواد د عمومي امنیت د تأمین ادعا کوي، خو په ولسوالیو او لرې پرتو سیمو کې د دې ډول تاوتریخجنو پېښو دوام، د امنیتي وضعیت او د مسؤلو ادارو د خلکو د ژوند د خوندیتوب په وړتیا شکونه راولاړ کړي دي.
تر د دې خبر د خپرېدو د مهال، د طالبانو د ادارې سیمهییزو چارواکو په هلمند کې د دې پېښې په اړه رسمي څرګندونې نه دي کړې.
