طالبان بار دیگر تأکید کرد که روز دوشنبه اول عید قربان است

حکومت طالبان یکبار دیگر تاکید کرده است که دوشنبه روز اول عید قربان است.

ذبیح الله مجاهد سخنگوی حکومت طالبان در ایکس نوشته است که طبق اعلام دادگاه عالی این گروه، دوشنبه روز اول عید قربان در افغانستان خواهد بود.

وی گفته است: « یک بار دیگر یادآوری می کنیم که شنبه روز عرفه نیست، بلکه یکشنبه روز عرفه و دوشنبه روز اول عید قربان است».

وی تاکید کرده است که همین حکم شرعی است.

حکومت طالبان در حالی روز دوشنبه را روز اول عید قربان در افغانستان گفته است که عربستان سعودی، یکشنبه را روز اول عید قربان اعلام کرده است.